भूकम्पमा टेलिकमको सुविधा निःशुल्क कि उधारो ?

प्रवक्ता भन्छिन् निःशुल्क हैन, जीरो ब्यालेन्स सुविधा

१७ वैशाख, काठमाडौं । कतै तपाई नेपाल टेलिकमको मोबाइलबाट सित्तैमा फोन गर्न पाएको भन्दै अनावश्यक कुराकानी त गरिरहनुभएको छैन रु यदि त्यसो गर्नुभएको छ भने केही दिनपछि तपाईलाई मोटो रकमको बिल आउन सक्छ ।

ल्त्ऋअहिले सित्तैमा गरेको फोनको बिल पछि तिर्नुपर्ने हुन सक्छ । टेलिकमले अहिले दिएको सुविधा निःशुल्क रहेको घोषणा गरिसकेको छैन । त्यसैले पछि मोबाइल रिचार्ज गर्दा पैसा काटिने सम्भावना छ ।

टेलिकमले अहिले सित्तैमा नभई संकटका बेला जिरो ब्यालेन्समा कल सुविधा प्रदान गरेको हो । तर, यो सुविधा निःशुल्क गर्ने(नगर्ने विषयमा कुनै निर्णय नभएको टेलिकम प्रवक्ता प्रतिभा वैद्यले बताइन् ।

‘हामीले सुरुका दुई दिनको एसएमएस निःशुल्क गराएका थियौं’ प्रवक्ता वैद्यले भनिन्( ‘जिरो ब्यालेन्सको कल सुविधा निःशुल्क गराउनेरनगराउने विषयमा कुनै निर्णय भएको छैन ।’

जिरो ब्यालेन्स कल सुविधाको पैसा पछि रिचार्ज  गर्दा काटिन पनि सक्ने प्रवक्ता वैद्यको भनाइ छ । यसबारे टेलिकमको सञ्चालक समितिको बैठक बसेर निर्णय गर्नेछ ।

‘त्यतिबेला यो सुविधा निःशुल्क गर्न पनि सक्छ, शुल्क लिन पनि सक्छ, अहिले यसै भन्न सकिँदैन’ वैद्यले भनिन् ।

संकटका बेलामा ब्यालेन्स नभएकै कारण मोबाइलबाट कुरा गर्न उपभोक्ता बञ्चित नहोउन् भनेर टेलिकमले जिरो ब्यालेन्समा कल सुविधा उपलब्ध गराएको हो ।

कृपया Post पढिसकेपछी आफ्नो सल्ला, सुझाब / टिप्पणी दिन नभुल्नुहोला । तपाईको सल्ला सुझाबले नै हाम्रो जोश जागर मिल्ने छन् र केहि गर्ने हौसला प्राप्त गर्दछौ. । Thank you Birgunj Media.